三點三冰室

营业中

休息中

呢間三點三, 每次黎食都係咁有水準, 晚飯時間7點左右, 已經坐滿左人👍🏻基本上港式茶餐廳既野食, 呢度都可以食到, 地方環境仲坐得好舒服添 🥰我地叫左:三點三雜扒餐：雜扒餐真係好豐富，有雞扒、豬扒、司華力腸同煙肉，每樣都煎得啱啱好，熱辣辣既鐵板加埋黑椒汁, 保持到食物既熱度。配埋日式粟米湯，粟米湯香甜好飲，仲有香脆嘅薯條，正 😋XO醬虎蝦炒公仔麵：公仔麵味道濃郁，虎蝦炸到連殼都香脆，食落去口感豐富。公仔麵炒得乾身，仲食到有XO醬嘅香味，非常惹味😝鹽酥花枝丸：有椒鹽既外皮炸得好香口，鹽味適中，食落去非常滿足☺️