Mamaday (已搬遷) 新店位置

Mamaday既menu真系好得意😆💛可能会失望温泉蛋明太子意大利扁面 $112一啲都唔失望！！！好高质！！🤩明太子酱好多，每条面都比D酱包住，用料一啲都唔吝啬，明太子粒好足料。温泉蛋熟度啱啱好，捞埋面食一流。上面仲放左好多木鱼干🤤，令成个面更香。意大利扁面软硬度适中几有咬口。Whatever fried platter求其是但乜都炸啲啦 $98乜炸物都有啲嘅小食拼盘，成个底铺满薯条，仲有炸虾、炸芝士同炸鱿鱼😍。唔会好多炸粉好厚身，炸物即使摆耐左都仲好脆口。👍香蕉朱古力奶昔 $48唔系用香蕉精，真系有香蕉肉！！🍌朱古力甜度适中，味道浓郁得黎又唔会盖过香蕉味，口感绵滑。牛油果沙冰口感系杰挞挞的 $48一饮落去即刻feel好fresh！🥑淡淡牛油果味，仲饮到好香既蜂蜜味，好清爽既感觉。本身都谂住有牛油果口感会好杰，但可能因为外卖番到去沙冰溶溶地，所以整体都几稀，好似饮牛油果奶咁🤣。