Percent Kitchen & Fitness (已結業)

今日去咗观塘食晚餐。原来观塘真系有一间隐藏高质西餐厅架！今次真系超级大惊喜，你间餐厅真系好得意。你间餐厅系有个健身房，但侧边就系一个西餐厅。呢个concept几新颖，之前听过朋友讲过，所以今日确定过黎试一试。dinner set好丰富！叫左个烟三文鱼沙律。其实自己唔系好钟意食沙律，因为自己系一个食肉兽。但系呢个沙律整得真系好特别，我未食歌咁香脆同仲好有水份嘅面包，个口感好正！我谂只有新鲜材料先整到，烟三文鱼同蔬菜再加埋面包，仲有啲烟肉粒沟埋一齐食，好有层次感。之后黎左碗今日嘅是日餐汤，南瓜甘笋汤，成个feel好健康。汤好有萝卜味，鲜甜但唔腻，真系好想跟佢学煮野。主菜终于上菜。系本人最期待既鸭胸同鹅肝！呢个鸭胸同寿司既鸭胸争超级远。点解鸭胸可以煮到好似鸡髀咁，水份仲保留系入边。出边脆入边煎得岩岩好，呢个水准系中环高级餐厅既水准，观塘居然有个咁高指数既餐厅。鹅肝超级肥厚，一咬落去，入口即溶。加埋蓝莓酱，又甜又咸，个味道夹得好完美！最后叫埋个桂圆红枣茶。食完个餐，饮d热野唔好比脂肪凝固系肚腩。食完晚餐再配个热茶，好养生。加埋餐厅气氛同音乐，成个人好放松。工厦入边估唔到有一个可以好好放松既空间