舍利鮨 (已結業)

爸爸媽媽話未試過食廚師發板，咁身為佢哋嘅寶貝女就當然要去孝順父母！於是就同佢哋一齊去左元朗嘅舍利鮨去享受一下！呢個廚師發板性價比非常之高！一個人千零蚊之餘就可以試到20幾款由師傅即場新鮮製成嘅菜式！有刺身啊，前菜啊，壽司啊，真係數之不盡！而我哋亦都好開心可以坐到喺廚師前面，可以睇近距離睇到師父即場泡製！我哋先食嘅係北海道仙鳳趾生蠔🦪蠔非常之大隻厚肉，充滿左淡淡既海水味，而上面仲要加咗啲係煮咗嘅醋啫喱，食落去比較清爽！隻蠔就咁滑嘟嘟吞咗落個肚入邊啦！跟住我哋試咗個左口魚磯邊卷！卷得好靚之餘仲好大件！而左口魚亦都非常之新鮮彈牙，好好味😋而我爸爸媽媽最鍾意嘅係清湯燉鮑魚！鮑魚充滿清湯味，咬落去亦都非常之彈牙！當然仲有唔少得嘅係鰹魚醬油漬！鰹魚煮得好入味，好濃郁，而上面仲有一啲外國嘅蔥仔，加左上去之後完全將鰹魚嘅層次提升咗出嚟，令到佢個味道濃郁得黎又有淡淡既蔥香！我同爸爸媽媽都非常滿意呢個廚師發板啊！