盛記盆菜&盛記麵家

营业中

休息中

嚟到盛记打边炉，一入嚟就比周围嘅环境吸引，好有中国风，又带点艺术的感觉，加埋风趣嘅老板，一入嚟已经充满好感。叫咗醉鸡锅，配埋新鲜本地牛肉、鲜炸响铃、鱼角、鱼皮饺、听呀姐推介嘅鱼生、同埋猪爽肉，阿姐不断地提示我们够了，彷佛害怕我们食唔晒一样，个感觉好得意，唔系不断地推销我们而系不断地劝阻我们嗌食物。本地牛肉肉质非常新鲜，灼一灼就可以食得，简直食到唔停得口，响铃较出边卖嘅比较厚身，烚一烚后食有种豆香和粗糙感，猪爽肉又系另一个好得意嘅选择，肉质弹牙，醉鸡锅鸡件够多，亦都嫩口，酒味好浓郁，是货真价实的火锅，诚意推介大家嚟试吓。