Wagyu Ya (已結業)

放假想揾一间靓和牛庆祝，系Openrice search下，揾到这间。见到D食评好似劲好，即刻电话book位啦，点知由打开铺头门嘅瞬间就后悔。入到去，发现一个人都冇，星期六夜晚！八点！包晒全场！？都知系伏啦，即刻由套餐转做散嗌，捻住食少几样即闪，点知都劲差！简单来讲，看评价麻烦仔细筛选，仔细看D相可以看出间舖通常都系冇人帮趁，特别将这段写高D，请大家一定skip这间废野，相信我，哩个价钱你值得食到更好嘅一餐，以免影响心情！和牛鹅肝多士：500两件，薄到细件到多士一半都唔够⋯不过已经系全场味道最易接受嘅一款，起码自助餐质素有达到，几香口⋯和牛拼盘：598，有四个部位，牛舌，西冷，肩胛同三角腩（如冇记错）其中有两个部位咬落全！部！都！系！筋！！！根本咬唔到！！！不知所谓！同店员投诉，还算客气，补左三片，但系雪到硬邦邦⋯⋯⋯多谢嗮⋯⋯⋯最好食系两块粟米，都算甜。蟹脚锅：598左右，记唔到detail。算系少人提到嘅款，亦系最伏果个，大家睇相就知。全部D海鲜都系霉嘅，唔新鲜过D佳宝冷冻货！个汤一D鲜味都冇！价格配埋咁嘅质素，系想打去消委会投诉果种！