大阪王将 (已結業)

坐底已经发现附近台啲人好多都系食佢架㖞~~ (啲碗有名)去到拣咗好耐先落到单, 因为佢啲套餐好大份㖞!! 又汤面又炒饭又饺子...一系就个配撘好古怪㖞~~ 如汤面配一碟咕噜肉加六只饺子....... 最后由于我哋两个都想食汤面, 但如果一个餐又好似唔够食咁,所以一人叫咗一个「王将套餐」, 即系一大碗海洋汤面, 一碗炒饭, 加六只饺子!哗! 真系好大份量㖞, 再搞搞个汤底, 原来仲要有少少汤羹咁样架!!睇到都已经半饱啦... 一定食唔晒!! 唉... 玩大咗添..................我谂佢咗餐都系预人两份食, 但唔明点解佢唔将个份量减细, 系要迫人两份食啰!!!有啲人唔钟意同人share 食嘢架嘛!最后食净半碗汤面, 不过老老实实, 呢间嘢都冇食评度写得咁好食咋㖞~~啲饺子冻晒既! 啲炒饭好普通, 我个碗暖暖哋, 朋友话佢个碗直头热都唔热下!三样嘢最好系个面, 不过个汤底真系杰咗少少, 啲料嘛嘛哋好食, 啲面又系嘛嘛哋...食完后虽然已经一人饮咗杯半水, 但都系好口渴, 即系味精嘢啦!!唉... 可能对呢间嘢既期望太大, 所以好失望......