甜源居

营业中

休息中

下昼同朋友经过，食完午餐之后想揾个地方食甜品。见到呢间甜品2:00就开门，所以就去咗呢度试吓。佢嘅榴梿同埋芒果河粉系人气之选，食过好多唔同嘅甜品舖好多芒果都系酸嘅，一系就冇乜芒果味。但系今次嚟到呢度食呢个芒果河粉，芒果系非常之清甜，再加上河粉造型嘅椰子蒟蒻啫喱，又弹牙又爽口，真系好好食，仲有烟靭嘅西米，口感真系一流，份量比较大碗，所以可以两个人share。我哋仲嗌咗碗，榴梿飘香，榴梿味非常之浓，仲有一旧榴梿嘅果肉，钟意食榴梿嘅一定要试吓。