權八居酒屋 (已搬遷) 新店位置

权八于日本大有名气，餐厅参照传统江户时代嘅居酒居设计，环境清幽，倾计聚旧一流。听讲日本权八有一个传统，就系喺舖头中设有荞麦面制作室，令大家可以欣赏制面过程情况。香港店当然都唔例外，每个食客进入餐厅嘅长廊都必定会经过制作室。大家认真要试下呢到啲荞麦面，爽滑弹牙，有好香嘅荞麦味。配合埋由厚鲣鱼、鲣鱼花、青鱼干制成的蘸汁，葱同芥末，食到我哋要encore追加。我哋走去问侍应，发现原来呢到嘅荞麦面系由百分百荞麦制成，无加过任何面粉。餐厅特设清酒亭，更严选咗有88款特盛清酒。我哋谂住贺一贺佢，点咗荣获Monde Selection 2010金赏嘅樱室町备前幻纯米吟酿，口感浓郁浑厚。我哋叫咗𠮶精选5点刺身，份量唔多，不过胜在够新鲜。最钟意食虾刺身嘅M佬，食到哗哗声，喺咁话啲虾好胶口好新鲜。权八𠮶手作豆腐，望𠮶表面就知佢滑嘟嘟，唔舍得整烂佢嚟食。配埋淡豉油同柴鱼片嚟食，唔会好淡，豆味浓郁。呢到设有串烧亭，师傅即场表演烧串烧，啲味香到想叫多几串。就算唔钟意食内脏嘅我都觉得𠮶牛舌串好好味。啱啱熟，有浓郁嘅牛味。另外，葱串烧就食得多，但第一次跟埋面豉一齐食，无谂过都几夹，食落无咁寡。M佬真系好细心，叫咗我