正品蕃茄湯麵店 (已結業)

今晚两个人黎到呢间蕃茄汤面食晚餐，由于笔者并非第一次黎食，所以叫左一个面同一个饭同大家分享下。面叫左个墨鱼饼面with香芹汤。墨鱼饼系用墨鱼胶煎出黎，唔系俾d墨鱼丸你，而且份量十足，唔系薄薄一块咁，仲要墨鱼味相当浓郁。而面由于制作时加左蕃茄，所以呈现红色，食落有啖啖蕃茄味同面味，有味之余又唔会抢左个汤底味。而个汤系蕃茄薯仔汤，蕃茄味十足。但如果你叫香芹味就只不过系将d芹粒放落汤上面，唔会好有芹汤嘅味道。但汤本身绝对好饮，成个面都好抵食。饭方面，叫左个比较抵食嘅队长肉饼拼鸡扒饭，白饭初头以为系白饭，但原来系葱油饭，葱油唔会好咸，除左油腻d之外，冇埋问题，几好食。鸡扒唔会好厚，切得够薄，令煎时更加均匀香口，肉质煎完仍然好滑，但唔会剩系爆哂d油出黎，系鸡扒本身煎得滑，刚刚好，味道仲要入味可口。重点个队长肉饼，肉饼煎得唔会散哂，又唔会实的的，质地一流。再讲味道，腌味时捞得够匀而且用料足，食落去唔会食空气，份量亦十分足够抵食。如果你去过同区肉饼哥食，呢度只会系有过之而无不及，一定要试。综观黎讲，呢间价钱，有质素仲有份量，十分难得。用餐日期:22/1/2019是餐费用:$97味道:9/10环境:8