富臨皇宮 (已結業)

一家人食饭唔知去边好，最后阿妈就话近近地去富临，听人讲过都系唔错既选择。菜式方面咩都有，海鲜，小炒，汤，粥粉面饭。可以问埋部长果日有咩新鲜，推介一下。先黎个汤先，随手送上汤渣，你就会感觉到几足料，而且唔多味精。豉汁煎大鳝食得出其鲜味，份量对得住价钱，豉汁唔会盖过鳝味。薯仔牛仔粒好惹味，以黑椒黎调味系一个好好既选择，牛肉粒唔会老，而黑椒同牛肉味渗入薯仔入边。每一次去酒楼食饭我地屋企都会叫菠萝生炒骨，一黎好送饭，二黎我地都好钟意酸酸甜甜果种味道。富临既生炒骨不错，味道恰好，又唔会话搞椒菠萝多过肉。乳猪系少不了的。送上时仲热烘烘，皮烧得香脆，肥瘦分明。