富臨皇宮 (已結業)

今晚妈咪冇煮饭，所以我哋决定去附近嘅酒楼食晚饭，门口见到富临皇宫酒楼推介嘅精选小菜咁平，就入去试吓。随即坐低即刻睇下有乜嘢食，见到餐牌上嘅食物图片非常吸引，忍唔住即刻叫六只生煎菜肉包食下先。估唔到生煎菜肉包咬落去口感松软，包底下香煎得非常香脆，而且内饀有好多生菜猪肉碎，食落去非常满足。平时妈咪好少煲金银菜炖白肺，所以叫咗四个人Share饮，饮落去好清甜嘅汤，食埋入面嘅拗汤配料，例如金银菜同埋猪肉，更加滋润。由于想试多啲菜式，所以净系叫咗半只BB乳猪、花胶北菇鹅掌煲、豉汁蒸大鳝同埋香薯一口牛。女人最滋补就系食花胶，花胶鹅掌煲得好林，食落去质感软绵绵，好黏口。其他食物都炒得好有镬气，味道非常滋味。甜品方面都有好多选择，我哋分别叫咗香芒糯米糍卷、养颜红枣糕同埋大良双皮奶。朋友都赞好香芒糯米卷，食落去好有质感同埋芒果肉好甜，而我就比较喜欢双皮奶，食落去啖啖滑溜。总括而言，食物质素高，而且价钱合理，最适合一家人共进晚餐嘅好地方。