舍 (已結業)

依间位于IFC百货公司入面嘅中式点心餐厅，睇落去好似好高档，屋企人之前误打误撞去左饮野，发现其实佢个价钱都几合理。今日晏昼我哋一家人出嚟中环饮茶，就拣咗嚟依间。因为我哋迟咗book位，book唔到入面位，但系坐出边，反而仲好，因为海景好正。今日有少少大风，不过好在冇落雨，唔系就比较麻烦。一家人研究左一轮之后嗌左几味点心，一个炒面，同埋菠萝咕噜肉。几味点心，有擦左金嘅虾饺，外表好靓，味道ＯＫ。仲有粉果、烧卖、子姜牛肉球等等，仲有个炒面，全部都ＯＫ好食。菠萝咕噜肉系新鲜做，用上新鲜嘅菠萝，炒得热辣辣，肉排新鲜炸，皮好脆，个汁挂得岩岩好，两老食得好高兴。全家人一面食一面欣赏下维港景色，慢慢叹，食得几满意。都算比一般酒楼贵一点，都系物有所值。