影片
更多
2011-05-12
526 浏览
周日母亲节，老爸一向父兼母职，咁在我地心目中即系父亲节啦。一家人拉队去官塘食饭﹗当日早上book位，连book两间都话已经满哂﹗母亲节真系大哂﹗人人出街食番餐﹗最后拣左0系宜安街既呢间乐翠园﹗天时暑热﹗坐低唔洗讲咁多，整两支青岛顺一顺喉先﹗最近0的天气真系不是人生活，只是五月下午已经接近三十三度，我估系因为太多人都开冷气既缘故，走在街上，真系焗到无朋友﹗唔洗做坐0系度都会流汗﹗齐人就叫野食，先来一个砵酒焗筒蚝﹗上枱仲点埋火保温，有型好架势﹗呢间乐趣园都几均真，你叫完之后即拿一罐筒蚝在你面前开俾你睇，等你知有几多只，待应姐姐对我地相当有礼，多谢前多谢后，尽显宾至如归既感觉﹗我地0的后生无咩感觉，老人家最受落﹗蚝大只，先上粉炸，再将砵酒及洋葱、干葱等放入锡纸焗﹗打开阵阵酒香﹗蚝软糯味浓，吃落酒味虽不及隔离既彪哥，但也收货，老爸连吃两只叫好味﹗胡椒猪肚浸大蚬﹗汤头浓郁，胡椒味暖身香纯，猪肚洗得干净，件件爽口有o赵头﹗蚬是细蚬仔，大蚬就无喇，不过吃落也鲜甜无沙﹗味菜下得够多，唔知自己买0的酸菜返来可唔可以煮番呢啖汤呢？盐焗虾，呢个值得推介﹗一份十来只左右，全部是门口水池的游水大中虾﹗大只，肉够
一家人拉队去官塘食饭﹗
当日早上book位，连book两间都话已经满哂﹗母亲节真系大哂﹗人人出街食番餐﹗
最后拣左0系宜安街既呢间乐翠园﹗
天时暑热﹗坐低唔洗讲咁多，整两支青岛顺一顺喉先﹗最近0的天气真系不是人生活，只是五月下午已经接近三十三度，我估系因为太多人都开冷气既缘故，走在街上，真系焗到无朋友﹗唔洗做坐0系度都会流汗﹗
齐人就叫野食，先来一个砵酒焗筒蚝﹗上枱仲点埋火保温，有型好架势﹗
呢间乐趣园都几均真，你叫完之后即拿一罐筒蚝在你面前开俾你睇，等你知有几多只，待应姐姐对我地相当有礼，多谢前多谢后，尽显宾至如归既感觉﹗我地0的后生无咩感觉，老人家最受落﹗
蚝大只，先上粉炸，再将砵酒及洋葱、干葱等放入锡纸焗﹗打开阵阵酒香﹗
蚝软糯味浓，吃落酒味虽不及隔离既彪哥，但也收货，老爸连吃两只叫好味﹗
胡椒猪肚浸大蚬﹗汤头浓郁，胡椒味暖身香纯，猪肚洗得干净，件件爽口有o赵头﹗
蚬是细蚬仔，大蚬就无喇，不过吃落也鲜甜无沙﹗味菜下得够多，唔知自己买0的酸菜返来可唔可以煮番呢啖汤呢？
盐焗虾，呢个值得推介﹗
一份十来只左右，全部是门口水池的游水大中虾﹗
大只，肉够实净，弹牙鲜甜。先下粉拖油，再放入满是海盐、蒜蓉、辣椒、干葱的锡纸内焗一焗，香口入味﹗好吃﹗
美极牛柳粒﹗
牛粒是普通货，牛味稍逊，但佢个美极汁做得几好，甜甜的，送饭很不错﹗
海味杂菜煲﹗
$50，大大锅，海味下得亦多，虽只是配角但感觉足料﹗其实都系为食菜﹗几支大啤，再加多几个白饭，埋单$600左右，食得好饱，抵食亦满意，有机会会再来的﹗
难得可一家人吃饭是美事，其实去食咩都无所谓，最紧要开开心心﹗
食评集结: http://smallsmalllin.openrice.com/
我的饮食微博: http://t.sina.com.cn/smallsmalllin
张贴
