一鼎‧台式火鍋 (MOSTown新港城中心(4期))

营业中

休息中

细佬生日话要食火锅㖞，妈咪同老豆都懒得买菜，我就带佢哋嚟呢度食自助火锅～我哋点嘅餐系👉🏼［澳洲纯和牛套餐］，和牛嘅口感巨嫩，一入口就可以感觉到肉质鲜嫩！咬落去𠮶瞬间，和牛嘅肉汁会喺嘴度爆发！呢种口感真系一般牛肉比唔上嘅！套餐里面仲包括咗细佬最爱嘅鲜甜海虾，虾嘅肉质鲜美，口感十分弹牙。虾自带嘅甜味加埋肉质鲜美，每一口都令人回味无穷！锅底有好多选择，店家推介嘅红烧火牛汤锅令我好感兴趣😋 锅底一上嚟就闻到令人食指大动嘅浓郁香味！我饮咗第一口汤，就感受到浓厚牛肉嘅香味，彷佛去到台湾食紧一碗红烧牛肉面！店员知道我哋钟意食辣，仲特登推荐俾我哋招牌锅底：麻痹鸭，呢个系麻辣味锅底加埋鸭血煮嘅。鸭血已经完全吸收咗麻辣汤底嘅味道，系麻辣味嘅鸭血！一口落去舌头又麻又辣，真系过瘾！呢间店最值得嘅系火锅料可以任攞，佢哋设有自助吧可以任攞蔬菜同埋丸子。钟意喺火锅入面加金针菇嘅我真系开心极啦！最后当然要用手摇饮料收尾啦🥤 黑糖珍珠牛乳同冬瓜牛乳茶味道都好唔错，十分顺滑同爽口。