天聚源 (已結業)

因表妹和表妹夫差唔多日子生日，所以一行5人去咗蓝地嘅天聚源食蒸气锅﹗一开始见到门面时，以为铺头细细，和一般地道小店差唔多，点知一入到去，可谓「柳暗花明又一村」地方宽敞舒适，布置日式，而且又有水池风车，又有迁秋，又有小小动物阁，真系非常适合一家大细用餐。门面细细，入到去，成个花园咁大﹗ 我哋人唔多，4大1细，唔敢叫咁多食物，于是点咗侍应推介的海鲜蒸气锅。系花园入边，有个小海鲜档，我哋所点嘅海鲜系果度即叫即㓥，非常新鲜﹗当日可能系平日，侍应唔多，所以上菜有点慢﹗不过当海鲜到达时，我嘅怨气一扫而空，因为海鲜非常新鲜，海虾同啲蚌都非常大只，又有龙虾又有蟹，而且单系蚬嘅种类已有3种，比一般嘅蒸气锅有更多海鲜款﹗侍应非常细心，提供计时器俾客人计时，而且不断提醒我哋，以免我哋蒸过龙，唔好味﹗我哋4个大人食到停唔到，连我嘅姪仔都表示好好味﹗ 其实个套餐非常丰富，除咗一大堆海鲜外，更配有沙律及麻酱乌冬，而且份量都唔少﹗特别系个麻酱乌冬，真系好好味，我个姪仔一个人都食咗2份﹗好可惜今次人唔多，4个大人食完个海鲜餐都好饱﹗我见到隔离枱除咗点海鲜套餐外，更点埋韩式烧烤，非常吸引﹗烧烤系列都有好多款式，有牛小腓