潮福蒸氣石鍋 (已結業)

每次一家人食饭，我爸爸都好钟意去潮福，今次唔系食蒸气锅，而系打边炉，都觉得吾错，同样又平又好食。先选汤底，我地选左花胶鸡汤，都有吾少花胶，鸡味都好浓，再有每人嘅海鲜定食又有刺身同安格斯牛，牛好食，好新鲜，肥瘦适中。海鲜方面，有海虾，好弹牙又大只好新鲜，仲有贵妃蚌同圣子，都系大大只，洗得干净，冇半点沙，桶蚝都好正，好肥美，又大只，蚝味浓，好想再食丫，仲有黄刀贝龙趸等。另外刺身系三文鱼同象拔蚌，三文鱼好正，好肥好新鲜，我好喜欢佢厚切，而象拔蚌都好爽口，鲜甜，吾错。到任食啦，有好多选择，肉丫牛丫丸丫菜丫各种面类等等，可以话谂得到都有，例如 鹅肠，鱼肚，日本蟹柳， 炸鱼皮，炸腐皮，鲮鱼滑，手打丸，羊肉，鸡件，鲜冬菇等。整体好食丫，价钱又平，选择又多，会继续成为我屋企嘅饭堂。