美中·鴨子 (已結業)

呢间餐厅无得订位，只可以walk in同用app攞飞，仲要过半数人先入得。𠮶日我地九个人等左半个钟先有位。我地食左鸡丝拉皮，咕噜肉，小笼包，津白，蚝饼，一只片皮鸭，炒饭，上海粗炒，担担面，仲有豆沙锅饼。好味推荐：小笼包好正，皮薄多汁，热辣辣，肉汁鲜甜。片皮鸭系连左鸭肉既，我个人黎讲系钟意有皮有肉既！正！觉得麻麻地：蚝饼一定唔encore，好似个粉浆未捞好咁。上海粗炒好咸呀。叫左咁多𩠌，千三蚊左右埋到单，仲要系海港城食到呢个价，都真系算抵食。