Catio (已結業)

星期日同朋友去左荔枝角工业大厦嘅猫CAFÉ，下画4点几都几多人，好在地方都几大，而且成间舖有10几只猫，唔会觉得好迫，大家可以喺唔同角落同可爱嘅猫猫影相同玩。除左玩猫，CAFÉ都有唔少轻食选择，饱肚嘅有意粉Burger 果D, 想食少D亦有炸物甜品。饮品有唔同口味嘅咖啡、朱古力、花果茶。想食咩可以用QR Cord落单。食物用白色餐盒装住，方便食用，同猫猫玩果时又可以盖番住D食物，唔怕整到污糟邋遢。玫瑰朱古力好香花味，浓得嚟唔会太甜，非常唔错。三文鱼猫包有我最钟意嘅三文鱼同烟烟韧韧嘅Bagel，饱肚又好味。呢度好适合一家大细嚟，等小朋友都学习下点同小动物相处，多D爱锡佢地。