亞萊嘜嘜 (已結業)

每次行经都见到长长嘅人龙，今次早少少去，七点前都已经满座，啱啱好有二人位，唔洗等。泰式酸辣凤爪好大碟，质感不会过软，保持到咬口。酸甜味较重，少少辣，作为开胃前碟不过不失。泰式香芒虾球感觉上好似咕噜肉嘅味道。酸酸甜甜好啱小朋友食。虾嘅size 中等，一般急冻虾货式，大概有八只到。芒果份量就几多，大大粒，好甜。亚莱唛唛特式蒜香包个个都话好正，所以叫左个黄咖哩猪($89)配佢。用左厚切面包，切成一条条，金黄色劲脆口。牛油味适中，而且都几香，但蒜蓉味就差d，如果再浓d会更好。另外个黄咖哩都好香，都系一d都唔辣，而且几大份，猪肉片亦几多。虽然唔系食过最好味嘅泰菜，但份量足，价钱合理。味道唔会太辣太浓，几适合一家大细又或者一班人嚟食。