彩福國宴 (已結業)

今日同屋企人庆祝生日，我负责订枱揾食。为咗符合大家口味，最后都系决定揾间酒楼食晚饭。之前经过彩福见到都有好多特色小菜选择，就拣咗呢间。片皮鸭二食大家见到都话想食，而且可一鸭两食，都值得一试。第二食我地拣咗用凉瓜炆，都好大碟，又好食。酒香腰虾蒸蛋有淡淡酒香嘅蒸蛋，几特别。蒸蛋十分嫩滑！怀旧金奖叉烧烧得好香，特别系少少㶶果d位好正，肥瘦肉比例正合我心意啫啫虾干通菜梗原来真系得梗无叶，第一次食呢个菜式。个汁同虾干好香好惹味，通菜梗几爽口。秘制无锡骨煲份量都几足，酸酸甜甜又啖啖肉，屋企人个个都赞好食！