薩莉亞意式餐廳 (小西灣廣場)

营业中

休息中

有时候一家大细都谂食咩都真系几烦既事, 我就会推荐萨莉亚意式餐厅, 好坦白平靓正, 叫多多都唔贵, 又啱小朋友食, 同埋黎到D野食系热既。我自己一向都有几种必叫项目, 首选香草牛油焗田螺, 一黎到真系小心D食, 因为好热, D油仲会卜卜咁跳住, 加上香草既味道, 好味!! 而另外唔少得既, 就系鸡翼, 我自己遍向要辣既, 不过朋友仔唔食辣, 所以叫咗原味, 比较起上黎, 我都系喜欢辣味多D。而另外, 再会叫水牛芝士薄饼, 虽然材料只得蕃茄汁同水牛芝士, 钟意食芝士既我, 紧系有芝士就够啦! 意粉方便我就无咩所谓既, 今次就拣咗温泉蛋卡拜拿那意粉, 不过唔算太特别啦! 而呢间会加$13一位有任饮汽水, 咖啡, 茶等。2个人都系$139, 真系唔错既选择!而服务方便, 真系比较人少D, 所以都要等下, 同埋好多野都系自助形式, 唔好太高要求。