原居民 (已結業)

临近新年，约一家人去食团年饭，其实都系一件几头痛嘅事，又要坐得舒服，又要食物质素好，又要价钱合理，又要预约到位，真系一啲都唔简单，位置方便都系其中一个选择条件，因为要方便大家，要符合咁多要求，呢间原居民就可以符合到！南瓜蕃茄汤呢个汤番茄嘅酸味比较出，而且南瓜蓉打得好滑，而且好香浓，加埋个热辣辣嘅蒜蓉包，有趣又香蒜蓉味，简直无得顶日本芥末三文鱼半甜虾头盘整得非常精美，摆碟都花咗好多心思，三文鱼好香好鲜，芥末味啱啱好，芥末味可以提升三文鱼同甜虾嘅鲜味，甜虾亦都非常鲜甜，呢个头盘令人喜出望外，非常有特色，亦都好好味！虎虾蟹肉美国蚬蘑菇意大利饭主菜一出场，就被碟入面嘅美国蚬同虎虾吸引住，蚬同虾都非常大只，唔单止个样好吸睛，味道都非常好食，蚬同虾又弹牙又有鲜味，而且个意大利饭汁一啲都唔流，味道好夹，而且蟹肉系拆晒出嚟捞落啲意大利饭内，所以饭都好鲜甜，同埋意大利饭唔会好硬身，所以老人家食都非常啱！一家大细，有老有嫩，都一致赞好，果然无拣错呢一间餐厅，建议一大班去食都好合适！