必勝客 (已結業)

情人节当晚，度度都要等位，pizza hut叫做唔算等得耐，是关系等位飞上面印著限坐一小时。当然，派飞员工是没有提醒顾客的。如果一家大细，有老有嫩就不要吃了，否则会像邻座的客人，还没吃完就硬要埋单。讲返自己食个餐先，这晚要左个set dinner，唔使谂咁多吖嘛。餐汤，忌廉蘑菇汤，落单后约十分钟到，好浓好creamy，唔错。餐饮要了coke同cream soda。焗肉酱意粉，离餐汤约十分钟后到。好热，意粉亦够硬身。但肉酱偏酸同出水，麻麻地。海陆厚肶，有肠，肉粒，人做蟹柳为配料。味道唔错，甜甜地嘅蟹柳令芝士无咁腻。但系食完个意粉后成廿分钟先到啰，食第二块已经要埋单。谂食咩，揾人落单都已经用左十分钟…等食，每一样都要等，得一个钟真系超赶，佢个pizza又迟迟唔到。单都未埋已经叫定客系走廊等位…同我地差唔多时间埋单嘅隔离枱同侍应讲话佢地个甜品未到，个侍应仲话返佢地话有落甜品咩，客话个餐有…见到位侍应黑哂面入去问前枱，最后上左甜品，不过等位嘅人望住食啫。