小南國 (已結業)

11月，一年一度既大闸蟹宴又黎喇! 往年都系去开东海360食既，但系睇杂志无意中见到小南国都有大闸蟹，价钱仲平过东海 (渣打卡有折)，紧系试下小南国啦!上到黎北京道一号既小南国，我地有怀疑过呢度系咪真系有得食蟹架!? 因为呢度装潢实在豪华，灯光昏暗，似系fine dining! 见到d客人都系外国人或者系公司gathering，得我地呢枱用手食蟹好似有点儿那个! 一坐低左就装下前面枱食咩，好彩都有一枱都系食紧蟹，咁我地都放心d! 我们一行5人，因为套餐得两人餐或者四人餐，我地单丁左一个，所以叫左个四人餐再另加云吞鸡、蟹粉小笼包同姜茶汤圆各一碗。四人餐有: 云吞鸡、每人两只大闸蟹、外婆红烧肉、蟹粉豆腐、蟹粉小笼包、豆苗、姜茶汤圆云吞鸡 - 每人有两粒云吞+一只鸡翼，鸡翼唔系雪藏架! 大闸蟹 - 算多蟹膏，不过个醋好似无东海戈个咁香，同埋佢一次过上哂全部所以食完第一只，第二只已经冻左。外婆红烧肉 - 本身唔系好食肉，所以食左一件就无食，虽然肥膏痴住旧肉，但系一d都唔觉肥腻。蟹粉豆腐 - 味道偏淡，可能之前食得浓味，盖过左蟹粉豆腐既味道，唯有自己加d食蟹既醋吊吊味。蟹粉小笼包 - 好多汁!