廣隆行

营业中

休息中

听说今年大闸蟹的季节快到尾声，赶紧在完结前叹番只。今日去开上环果头开会，见到劲大个招牌，上网睇左阵都好似唔差，就行入去睇睇。2个大柜入面劲多唔同款既蟹，其实我真系唔识拣，是但谂住食最平果只试下啦＄240斤，买左4只，同阿妈一人两只唔使争，total＄300.佢仲送埋大闸蟹4宝：紫苏叶、蟹醋、红糖和姜,哈哈唔讲我真系唔识整。阿妈话啲蟹要用牙刷刷下先，真系黑色架刷出黎，之后反转只蟹隔水蒸，紫苏叶既作用就系放系水入面，帮助去寒同增加香味。蒸左20分钟左右已经搞掂，其实真系唔太难。一开盖劲香紫苏味。首先紧系揭开个蟹盖，金黄色既蟹膏呀，好似准备要流出黎咁。而且入口仲系半固体状态果下先最正，甘香的蟹膏令人再三回味，连盖都想食埋。而且蟹肉亦都十分结实，鲜味十足，好正呀！每人2只真系够皮喇，如果唔系会太济架。最后识饮一定系饮番本姜茶暖番个胃又驱寒。