大家樂 (已搬遷) 新店位置

天气渐凉，又系打边炉既时候。对于我呢类懒人黎讲，快餐店既火锅就系我杯茶啦。话说大记出左个新既鲜茄龙虾汤，好似好吸引。咁呢晚有时间，就过左黎食。汤底呢个龙虾汤算几鲜甜，好有虾味。而且不乏蕃茄味，个汤黎打边炉真系唔错。不过我细佬都系觉得猪骨汤先系皇道。配料讲真，年年都系差唔多。讲番例牌野，肥牛肥瘦均匀，算系预测之内。而豚肉既质素都唔错，比我预期既好。但我都系钟意食肥牛多，始终佢系我杯茶。每年都有新野既，好似系布袋猪肉丸。即系豆卜酿上猪肉之作，呢个出品都唔错，几得意架。而其他野，好似系虾滑，都算几新鲜入味。去到最后，点都要整个乌冬食下，做个美好既作结啦。另外，想提下酱汁。除左辣椒同酱油之外，仲有个芝麻酱点牛肉，呢个同牛肉真系好夹架。饮品今年新出咸柠檬雪碧，饮落好清新。咸柠既味道好重，而且饮落好舒服，绝对系打边炉既良伴。整体上都几好，服务真系唔错。加水加得及时，而且野食都唔错，无乜野可以挑剔。