通記海鮮酒家 (已結業)

Item: 通記海鮮酒家
Rating: 3
Author: 老帮3世

Tung Kee Seafood & Restaurant

3.5

84 食记

味道

环境

服务

卫生

抵食

1217

西贡

$201-400

粤菜 (广东) 港式海鲜海鲜酒家

老帮3世

等级2

每年家中最年长辈生日，都会去西贡食海鲜。今晚都唔例外，以前都唔会写，不过我已经两年无晌香港食，次次都撞正出TRIP，今年一食，发觉有啲好咗有啲就差咗，于是今年就记录返低。今日我地食左下面东西。海鲜刺身：有三文鱼、带子、希灵鱼、八爪鱼、赤贝、象拔ＰＯＮ等。除左象拔ＰＯＮ之外，其他都食得出系叫货返来的，不过算叫做排得几靓，但以前西贡海鲜舖唔会做呢啲，感觉唔同左白云凤爪：无影到，但好唔掂，以前个味无咁差，今次食落去又硬又唔香，扣分白灼虾：OK，一如以往，好新鲜好甜芝士龙虾伊面：好味，淡淡肉，整得唔老炸蚝：炸得啱啱好，外脆肉JUICY ，不过佢个炸浆实在系太厚身喇，有改善空间蒸饱鱼仔：麻麻地，多啲陈皮丝会好啲蒜蓉濑尿虾：香脆而肉滑，无得弹豉椒炒蛏子皇：火喉刚刚好，咁多年个味都无变过，当然系因为材料ＯＫ，是日最高分上汤粉丝浸大蚬：麻麻地，蚬好硬咁好多炒到个壳碎晒姜葱炒蟹：材料坚，蟹多羔，够香，一绝白烚鲜鱿：唔掂。唔香、无味、得个硬字三文鱼炒饭：饭炒得唔错，无油，但都系海胆炒饭好食啲炒通菜：唔掂，好多渣总括而言，比以前差左少少，大约得7-8成KEEP到以往水准。但系租金人工食材不停上涨，加上老人家

每年家中最年长辈生日，都会去西贡食海鲜。今晚都唔例外，以前都唔会写，不过我已经两年无晌香港食，次次都撞正出TRIP，今年一食，发觉有啲好咗有啲就差咗，于是今年就记录返低。今日我地食左下面东西。
海鲜刺身：
有三文鱼、带子、希灵鱼、八爪鱼、赤贝、象拔ＰＯＮ等。除左象拔ＰＯＮ之外，其他都食得出系叫货返来的，不过算叫做排得几靓，但以前西贡海鲜舖唔会做呢啲，感觉唔同左
白云凤爪：
无影到，但好唔掂，以前个味无咁差，今次食落去又硬又唔香，扣分
白灼虾：
OK，一如以往，好新鲜好甜
芝士龙虾伊面：
好味，淡淡肉，整得唔老
炸蚝：
炸得啱啱好，外脆肉JUICY ，不过佢个炸浆实在系太厚身喇，有改善空间
蒸饱鱼仔：
麻麻地，多啲陈皮丝会好啲
蒜蓉濑尿虾：
香脆而肉滑，无得弹
豉椒炒蛏子皇：
火喉刚刚好，咁多年个味都无变过，当然系因为材料ＯＫ，是日最高分
上汤粉丝浸大蚬：
麻麻地，蚬好硬咁好多炒到个壳碎晒
姜葱炒蟹：
材料坚，蟹多羔，够香，一绝
白烚鲜鱿：
唔掂。唔香、无味、得个硬字
三文鱼炒饭：
饭炒得唔错，无油，但都系海胆炒饭好食啲
炒通菜：
唔掂，好多渣
总括而言，比以前差左少少，大约得7-8成KEEP到以往水准。但系租金人工食材不停上涨，加上老人家食回忆呢家野，相信下年始终都会食番。