影片
更多
2019-12-05
2319 浏览
上年夏天同朋友已经嚟outdark食过，最印象深刻系Oppa店员会俾圣诞帽我哋带🤣，而食物都唔错，好食又好睇。今次我再嚟，就真系12月份了，果然圣诞味不减，门口已经有大大棵圣诞树同大大只熊🐻，可以影相。我哋7点半钟嚟到，即刻有得入座，到8点左右就开始比较多人，坐满哂！餐厅环境真系好好气氛，黑色装修，搭配大量闪灯✨、圣诞装饰同镜，好正，而且用上高枱櫈，空间感较佳，櫈亦阔落到一边够坐2个人，情侣可以sweet啲哈哈。不过可能多人，所以餐厅就比较嘈。朋友未嚟食过，我望餐牌就同以前差唔多，见到都系有炸鸡🍗同芝士拉丝王国系列🧀等等。我哋得2个人，所以唔能够叫到太多嘢食，加上我知道呢到食物份量都大。海鲜原祖炒年糕($298)，呢样我第一次食，嚟到见到个锅超大个，下底就有个gas炉热住，Oppa店员见到开始唔够热，就会过嚟帮手著返，几细心☺️。成个锅最夺目一定系只炸鱿鱼🦑，好大只，成朵花咁，虽然系炸，但都唔太热气，几好食；海鲜另外就有蚬仔同虾仔🍤。食咗阵先记得下低仲有好多料，包括年糕锅嘅主角年糕、鱼糕同蔬菜等。个酱虽然好红下，但甜味多过辣味，不过后期愈食愈辣，拣原味但其实都有只辣椒🌶️，哈哈。而锅边亦系
上年夏天同朋友已经嚟outdark食过，最印象深刻系Oppa店员会俾圣诞帽我哋带🤣，而食物都唔错，好食又好睇。今次我再嚟，就真系12月份了，果然圣诞味不减，门口已经有大大棵圣诞树同大大只熊🐻，可以影相。
我哋7点半钟嚟到，即刻有得入座，到8点左右就开始比较多人，坐满哂！餐厅环境真系好好气氛，黑色装修，搭配大量闪灯✨、圣诞装饰同镜，好正，而且用上高枱櫈，空间感较佳，櫈亦阔落到一边够坐2个人，情侣可以sweet啲哈哈。不过可能多人，所以餐厅就比较嘈。
朋友未嚟食过，我望餐牌就同以前差唔多，见到都系有炸鸡🍗同芝士拉丝王国系列🧀等等。我哋得2个人，所以唔能够叫到太多嘢食，加上我知道呢到食物份量都大。
34 浏览
0 赞好
0 留言
海鲜原祖炒年糕($298)，呢样我第一次食，嚟到见到个锅超大个，下底就有个gas炉热住，Oppa店员见到开始唔够热，就会过嚟帮手著返，几细心☺️。成个锅最夺目一定系只炸鱿鱼🦑，好大只，成朵花咁，虽然系炸，但都唔太热气，几好食；海鲜另外就有蚬仔同虾仔🍤。食咗阵先记得下低仲有好多料，包括年糕锅嘅主角年糕、鱼糕同蔬菜等。个酱虽然好红下，但甜味多过辣味，不过后期愈食愈辣，拣原味但其实都有只辣椒🌶️，哈哈。
海鲜原祖炒年糕
$298
45 浏览
0 赞好
0 留言
而锅边亦系另一重点，分别有粟米水牛车打芝士、香甜菠萝粒、香炒泡菜同紫菜饭。虽然无得refill，但每样有啲好够食。朋友唔钟意芝士🧀，但叫呢个锅都算可以满足我呢个拉丝怪嘅少少愿望。至于紫菜饭，就有啲失色，唔够多紫菜，味较淡，可能我捞乱咗系另一兜可以自己挫饭团🍙𠮶种，但都ok。
串串鱼糕汤
$98
38 浏览
0 赞好
0 留言
另外我点名叫咗串串鱼糕汤(细)($98)，呢样系卖飞佛🇰🇷韩国菜式，虽然鱼糕即系鱼腐同腐皮啲friend，但我好钟意食，加上有个汤可以暖下胃，非常唔错，好彩呢到有细size拣先食到。鱼糕用竹签串住，有6-7串，加上2嚿萝卜，个汤清清哋，真系令我谂起喺韩国广藏市场扫街嘅境况😋。
饮品方面，朋友要咗🍺Asahi(Half)($48)，我就要咗无酒精嘅🍋Blue Lemon($38)。价钱都几合理，唔算吊高嚟卖。
总括嚟讲，Outdark再一次无令我失望，环境仍然舒服又有特色，同时店员都仲有真Oppa👦🏻。今次试咗未食过嘅年糕锅，都几好食，不过份量真系偏大，多啲人嚟先食到多几款嘢啰，我亦都挂住个拉丝猪肋骨😝。价钱方面呢，当然唔能够讲好平、超抵食，但份量都大，所以ok啦，都系𠮶句，多啲人嚟食会好啲👍。
张贴
