壹級日本料理 (已結業)

无论系冬天又或者夏天我都好钟意食啲汤食品，所以火锅，汤面一定系我优先嘅选择。之前嚟到呢度大多数都系食刺身寿司又或者系定食但系今日嚟到见到有两种唔同嘅日式火锅，有黑豚肉火锅同埋有醉鸡鸡火锅，即刻好想试下。黑豚肉火锅选用左猪骨嘅汤底，汤底颜色呈奶白色十分的吸引，饮落去当然就系浓浓嘅猪骨香，还有麻油的香。呢度嘅黑豚肉嘅脂肪同埋肉嘅比例刚好，系一半嘅比例，我其实唔系好钟意食猪肉，因为火锅一定系食牛肉嘅比较多。但系我觉得今日嘅黑豚肉比牛肉更加优胜，食落去猪嘅味道好明显，而且入口时还有一阵猪骨汤香，配合得很。另外我仲加左一份牛肉，选用了半肥瘦的安格斯牛肉。呢个套餐嘅份量十分之大，除左除咗肉类之外，仲会有蔬菜，如果两个人食嘅话其实唔加另外份牛肉，个份量已经啱啱好，但系仲想食得丰富啲加埋亦都十分之满足。