蛇膠參滋補專門店

营业中

休息中

多數都係冬天，先會諗起想食蛇羹暖胃，經過新蒲崗，見到有間街坊小店，秋天都有蛇羮煲仔飯，見menu有二人餐，每樣都想試下，唔洗煩惱食咩好。秘制太史五蛇羹料很足，每一口都咬得到實在嘅料，有香菇、花膠、蛇肉、薑絲，每喝一口都是滿足，仲可以任加薄脆。 臘味糯米飯食第一啖覺得味淡，但越食越夠味，而且越食越香，臘味油香出晒嚟，花生夠脆。另一個轉左煲仔飯，臘腸好肥好香，食完滿口油香，最重要係有飯焦。鮑汁花菇扣水魚裙邊&小米乾鮑都炆得入味。花旗參燉海參湯好足料。食左咁多油膩有碟菜心中和下，最後食埋甜品椰汁燉雪燕就好飽。