影片
更多
2015-01-05
2304 浏览
一家人开年饭，唔一定咁闷食中菜，可以搅搅新意思食下其他菜式，迁就大家在荃湾区揾食店，荃湾区都几特别，小店好多，可以一家人食饭嘅餐厅，除了大商场连锁式餐厅之外都无乜选择！呢间之前在开饭网见到新开张，口碑同相片睇落都唔错，系一间酒吧餐厅，订位时讲定有小朋友，餐厅都无问题，去到时见门面系玻璃折门，店员带我们到餐厅近吧枱一张高长枱，靠墙系梳化，另一边系高脚櫈，餐厅大部分都高櫈，有几张梳您卡位系正常高度，墙上电视播放英超球赛，播住英文歌，气氛好热闹，酒吧对出仲放了一张英式桌球枱，比客人玩，灯光比较昏暗！每枱枱面都有点爉烛！倾偈饮嘢都啱！坐低店员即刻比水，水有柠檬味，而且仲系暖嘅！难得餐厅竟然有儿童餐具（如果系以家庭客为主嘅餐厅我唔惊讶，但酒吧餐厅都咁细心就值得加分）餐牌都特别用文件夹夹住中英对照嘅菜牌，虽然无图片，但好简洁，如果我们对菜式有疑问，店员都可以即刻解说，所以都无乜问题！ 凯撒沙律配巴马火腿：有咬口巴马火腿上面洒满芝士，罗马生菜好新鲜爽口，酱汁酸味清爽，薄薄挂满生菜面！好正！ 炸鱿鱼圈：好大一盘，每件都好大件兼炸到金黄色，以为会好厚粉好腻就错晒，食落炸浆脆而轻身，唔油腻，鱿鱼圈淋身
坐低店员即刻比水，水有柠檬味，而且仲系暖嘅！难得餐厅竟然有儿童餐具（如果系以家庭客为主嘅餐厅我唔惊讶，但酒吧餐厅都咁细心就值得加分）餐牌都特别用文件夹夹住中英对照嘅菜牌，虽然无图片，但好简洁，如果我们对菜式有疑问，店员都可以即刻解说，所以都无乜问题！
凯撒沙律配巴马火腿：有咬口巴马火腿上面洒满芝士，罗马生菜好新鲜爽口，酱汁酸味清爽，薄薄挂满生菜面！好正！
炸鱿鱼圈：好大一盘，每件都好大件兼炸到金黄色，以为会好厚粉好腻就错晒，食落炸浆脆而轻身，唔油腻，鱿鱼圈淋身唔韧，配两款酱汁！茄汁及松露沙律酱，尤其钟意松露沙律酱，好香松露香，沙律酱本身又唔会好酸，点脆鱿鱼圈又香又滑！正！
肉酱德国香肠意大利面：份量唔大，卖相靓，意粉有咬口！德国香肠肠衣脆，肉弹牙，配料有芦笋，好鲜嫩爽口，香菇片软身！茄汁肉酱唔多，刚好挂到上意粉面！好味！
杂菜法国沙律：加单再叫，特登叫另一款试下，都系配巴马火腿，唔同嘅系用嘅蔬菜主要有甘味！好似火箭菜、红生菜咁！无罗马菜咁juicy，酸醋汁食落依然清爽！啱大人口味！
顶级美国西冷牛扒（10安士）配薯菜红酒汁：本来叫肉眼，可惜卖晒！用一块木板盛住，几特别，牛扒份量大，配薯仔（原来薯仔即系薯蓉）薯蓉几滑，经过调味，味道够浓唔错！牛扒大块，做到我叫嘅5成熟！有肉汁，点埋红酒牛肉汁，可以加强牛扒嘅肉味兼滑啲！拌碟嘅酸醋沙律菜都好好味！
桑尼汁烤黑毛猪肋骨：都系木板上，好多件猪肋骨，肉味重，酸甜酱汁好浓，好味到攞住猪骨一齐食，好味道！呢个主菜配粗薯条，唔系香脆，反面外脆内软，薯仔味重，比薯蓉受欢迎，连垫底蔬菜青瓜都好爽脆多汁！
主菜食饱，当然有甜品，甜品选择多！
朱古力布甸（心太软）：一切开热朱古力浆都流晒出来，外层松软，配朱古力石板街雪榚，一冷一热，正！
合桃雪榚芭菲：真系估唔到外形系蛋糕而唔系杯装（一直接触芭菲都系一个高脚杯装）蛋糕夹杂好多合桃碎，雪榚唔系滑身，反而似压实了嘅雪，好轻好松，唔会好甜，甜味系碟边嘅嘅朱古力浆！
芒果梳乎厘：第一合感觉系比平常见嘅尺寸大，好松好滑，好香蛋味，芒果味反而唔重，好味！
云石芝士饼：芝士饼有三款，我觉得呢款特别啲，佢系实嘅芝士饼同松软蛋糕相间，所以口感好丰富！芝士饼夹杂朱古力味，同朱古力蛋糕相配！好味道！
甜品味道一流，卖梳赢她靓，食物味道一流，简直喜出望外！系每一样都好味，大人细路都好尽兴（原本仲担心酒吧餐厅唔适合家庭聚会）
服务又窝心，无念过酒吧餐厅会有儿童餐具！店员好nice,好似主菜可配薯条同薯仔，我叫两款主菜，要求一款跟薯条，一款跟薯仔都无问题！加水换碟好勤，亦都好交带，如果我们点嘅菜色无嘅，都会即刻通知，再推介其他菜式！而且对3只马骝好nice,佢哋好喜欢个场，又去桌球枱度玩！
最后要赞嘅系厕所设计新颖之外，设备好完善，仲非常干净！
食咗好心满意足嘅一餐！
张贴
