人和月雞煲火鍋店 (已結業)

相隔一年再来庆祝，八点冷清清都心知不妙！结果面目全非🤦🏻先讲讲以前食佢哋嘅放题海鲜同牛肉都质素好好虽然现在变成单点但朋友喜欢佢哋嘅食物就算单点都冇所谓啦，结果伏中之伏！！！先讲汤底至尊龙虾鸡煲$468，龙虾细只冇乜肉、半只鸡得头、颈、翼、屁股同成只鸡脚，跟本冇肉食都算👎汤底饮唔到鲜味、鸡汤味只发现劲多胡椒，唔知以为系胡椒猪肚汤跟出面一人一锅平价汤底一样👎牛颈脊有牛味但肉质不嫩👎日本A4和牛$298简直垃圾到跟美国肥牛一样冇牛味肉质又劣👎爽脆鲩鱼片又腥又多骨👎圣子皇$168唔爽唔新鲜👎海虾$88有8只完全唔新鲜肉质散虾膏系苦嘅👎鲜桶蚝$98好腥唔新鲜👎响铃正常味道跟超市一样，墨丸大大粒冇墨鱼味….5粒都系冇味跟街边小食墨丸一样👎虾滑算系成晚最正常发挥觉得唔错的食物，娃娃菜$28得几片仲要唔系新鲜靓菜。整体来讲肉又差海鲜完全冇一样系新鲜嘅，人均消费$450讲真四百几蚊放题都好食过佢，最过份系单点食物本来钱都唔重要但都唔好咁过分咁差！咁嘅垃圾食物后面亚士厘道好多都比你出色好多。