影片
更多
2013-08-07
924 浏览
星期日又系一年一度游船河时间啦,同去年一样,都系去食海鲜餐,今年物价高涨,所以价钱贵左,每人要350包餐,其实今时今日要食海鲜,呢个价钱系好抵食的.套餐的菜式跟上年有一点不同,我地今年都有食刺身拼盘,个刺身拼盘卖相都好吸引,同埋好多款式选择,有三文鱼,濑尿虾,螺片,带子,唔知咩鱼,甜虾,八爪鱼,仲有中华海浙.佢地话唔够冻呀,不过我觉得都OK,几爽甜呀.蠬虾伊面都好大碟,系波士顿蠬虾,几好味呀,蒜蓉粉丝蒸扇贝都OK,几大只的,啱啱熟呀,几大只的.濑尿虾都好大碟,我食左一件都OK呀,但系原来有些未熟架,同仕应讲叫佢再炒下因未熟,之后好快就嚟,其实以为佢地会换过一碟,因有两件系食过,已同仕应讲食过但佢原碟炒完攞番上嚟,连果两件食过的都一齐炒,真的唔知讲咩好,但系仍然未熟,之后嚟左一碟炒圣子,但系原来佢地话都未够熟,咁就揾个话事人一次过反映下,点知话事人话圣子系要咁先好味架㖞....濑尿虾D羔系咁架㖞,D人系咁食的,佢既解释系令你冇得反驳佢....隔离枱话佢地食唔晒俾我地就唔使再整,但系原来隔离枱的都未熟啰,D羔未变色,系半熟状态,同埋切开D肉系半透明状态,入面系冻的啊,即系冰鲜既濑尿虾啦..
套餐的菜式跟上年有一点不同,我地今年都有食刺身拼盘,个刺身拼盘卖相都好吸引,同埋好多款式选择,有三文鱼,濑尿虾,螺片,带子,唔知咩鱼,甜虾,八爪鱼,仲有中华海浙.佢地话唔够冻呀,不过我觉得都OK,几爽甜呀.
蠬虾伊面都好大碟,系波士顿蠬虾,几好味呀,蒜蓉粉丝蒸扇贝都OK,几大只的,啱啱熟呀,几大只的.
濑尿虾都好大碟,我食左一件都OK呀,但系原来有些未熟架,同仕应讲叫佢再炒下因未熟,之后好快就嚟,其实以为佢地会换过一碟,因有两件系食过,已同仕应讲食过但佢原碟炒完攞番上嚟,连果两件食过的都一齐炒,真的唔知讲咩好,但系仍然未熟,之后嚟左一碟炒圣子,但系原来佢地话都未够熟,咁就揾个话事人一次过反映下,点知话事人话圣子系要咁先好味架㖞....濑尿虾D羔系咁架㖞,D人系咁食的,佢既解释系令你冇得反驳佢....隔离枱话佢地食唔晒俾我地就唔使再整,但系原来隔离枱的都未熟啰,D羔未变色,系半熟状态,同埋切开D肉系半透明状态,入面系冻的啊,即系冰鲜既濑尿虾啦....今次真的太过份,再叫话事人嚟,佢已经唔理我地,只派另一个人嚟,跟住话帮我地再整...第三次又系一分钟搅掂攞番碟嘢嚟,但仍然未熟,想点呢?????话事人可能觉得我地太麻烦,所以话攞左几只再整俾我地㖞,份量系细左好多,应该系新鲜的,但系真的莫明奇妙,咁细只都唔熟,个火定个厨有事呢???!!!我地已经放弃再跟仕应讲..有个仕应小姐见我地好似好惨咁,就话帮我地蒸熟佢,今次真系熟晒啦,但系冇晒味呢.
蒸鱼,系养鱼嚟架,好大条,不过佢地话梗系海鱼好味好多啦
炒蟹,好大碟,味道都OK,但系冇人问津,唔知系咪因为搅濑尿虾都搅到冇晒食欲了....
炒饭,冇食唔知
椒盐鲜鱿好薄的粉浆,睇到晒入面既鲜鱿,麻麻地
炒青菜,正常,起码系熟的
甜品及生果都系芒果布甸,橙西瓜.味道OK
其实我地都知道食呢D团餐系一定唔会好好味,但只系要求煮熟佢都好似系好过份既事情,依家咁既服务态度系唔得架啦..........
张贴
