九龍餐室 (已結業)

寻日公司嘅美少女同事离职，今日返工见唔到佢嘅笑容，有种失落嘅感觉。仲记得佢第一日返工，成班同事一齐去咗九龙餐室，佢叫咗碟瑞士汁鸡翼出前一丁面，个中味道令佢留下深刻印象。今日猴子重回旧地，不过今次唔系食瑞士汁鸡翼，而系叫咗客焗芝士肉酱鱼柳意粉。虽然碟嘢系有芝士，不过猴子觉得芝士味唔系好出，鱼柳亦都粉粉哋，不过亦唔能够排除系因为猴子情绪低落而影响到味觉。值得一提嘅系，每帮衬两份下午茶餐就送迷你小食一客，有一口西多、炸薯条及香茅鸡中翼畀你拣，不过只限堂食，而且星期六、日及假期除外。