和三昧

营业中

休息中

落雨天，无带伞，朋友想食热嘢，决定近近地去和三味食嘢。拣左一阵，拣左两个铁板烧餐，前菜普遍无惊喜。材料上场，望落唔多靓鲍鱼好韧口。虾唔甜，无味。银雪鱼煎得香但唔滑。鹅肝唔香，怪味唔好食豚肉好咸，师傅应该落少d调味。炒饭粒粒分明。厚切牛朋友话唔错。总括铁板烧唔好食，系我食过铁板烧食物水准最差嘅一间。食完熟食唔得，起身谂住去睇下海胆靓唔靓，食个海胆开心下。过份嘅事就发生，一起身发现条裤湿湿地，原本张櫈湿，当你坐落去唔会知湿，但当人重量压落去，櫈内嘅水就走上面，我当然嘈，侍应生即时帮我换左张櫈，俾纸巾我抹，佢话公司会定期洗櫈可能未干😱太过份咁嘅错误都有，经理即时叫人去sogo借风筒带我去VIP房帮我吹裤成见事我觉得超离谱，最后经理俾左九折当道歉，但我想讲唔系钱问题，系希望贵公司要改善问题，布面櫈出现问题，贵公司就应该转哂做VIP房嘅皮櫈，我真系唔希望有下一个受害。