影片
更多
2020-02-24
241 浏览
难得今日早放工，约咗屋企人落旺角试新嘢，呢间系西泰Fusion菜，Idea好但味道好差！首先嚟咗碟牛油果酱拼蕃茄墨西哥片，洒啲芝士碎上面但唔溶，我一拎起块墨西哥片啲芝士就跌晒落嚟，咁洒上去为咩？而食墨西哥片就系用手唔用餐具，但餐厅劲孤寒，2碗dipping碗劲细，完全点唔到蕃茄粒，要用叉「不」上块墨西哥片！牛冲果酱又劲少，系咪预咗每块片都只可以点到一滴？再讲珍珠蚝蛋饼，完全系一碟蚝碎酥，一堆蚝，加一堆炸咗嘅面浆碎，食落口，淋嘅，完全冇蛋味冇蚝味冇咸味！仲搞到成口油！跟住系柚子大虾pizza，呢碟系最正常，味道几好，虾肉唔系发水，每件pizza都有一只算几好，同埋冻咗都几好食。而佢呢个配搭系想清新feel，可惜配菜唔够酸，食完都有少少漏嘅感觉，而且件pizza一拎上手，虾、柚子、所有配菜都跌晒落嚟。服务方面，冇之余仲觉得差。间餐厅可能太大但人手太少，而职员又太「专心做嘢」。见有几枱客想埋单都等咗好耐先有人应机，我想落柯打都要大声叫出去先有人嚟。而张㭃口又唔系大，我哋埋咗单，佢又急住收碟，我哋执嘢想走又俾佢阻住咗。其实眼见佢间餐厅唔系好多客，而且叫我哋7:30交枱但我哋6:45已经交枱走，
首先嚟咗碟牛油果酱拼蕃茄墨西哥片，洒啲芝士碎上面但唔溶，我一拎起块墨西哥片啲芝士就跌晒落嚟，咁洒上去为咩？而食墨西哥片就系用手唔用餐具，但餐厅劲孤寒，2碗dipping碗劲细，完全点唔到蕃茄粒，要用叉「不」上块墨西哥片！牛冲果酱又劲少，系咪预咗每块片都只可以点到一滴？
再讲珍珠蚝蛋饼，完全系一碟蚝碎酥，一堆蚝，加一堆炸咗嘅面浆碎，食落口，淋嘅，完全冇蛋味冇蚝味冇咸味！仲搞到成口油！
跟住系柚子大虾pizza，呢碟系最正常，味道几好，虾肉唔系发水，每件pizza都有一只算几好，同埋冻咗都几好食。而佢呢个配搭系想清新feel，可惜配菜唔够酸，食完都有少少漏嘅感觉，而且件pizza一拎上手，虾、柚子、所有配菜都跌晒落嚟。
服务方面，冇之余仲觉得差。间餐厅可能太大但人手太少，而职员又太「专心做嘢」。见有几枱客想埋单都等咗好耐先有人应机，我想落柯打都要大声叫出去先有人嚟。而张㭃口又唔系大，我哋埋咗单，佢又急住收碟，我哋执嘢想走又俾佢阻住咗。其实眼见佢间餐厅唔系好多客，而且叫我哋7:30交枱但我哋6:45已经交枱走，唔使咁急要即埋单即执嘢，好似赶客咁啰！
张贴
