影片
更多
2010-06-18
53 浏览
因本人唔食牛肉，所以寻晚就连同一位饮食业朋友到此店试味，叫佐珍珠奶茶同红烧牛肉面。可能我饮惯浓滑奶茶，所以觉得珍珠奶茶系淡小小，不过都可以接受，唔好将杯奶茶同其它奶茶专门店比较。至于红烧牛肉面味道，就转述朋友意见：一惯台式牛肉面应有嘅味道，整体来讲系水准之作。用花椒八角草果桂皮豆板酱牛骨味精等熬嘅汤底，是一惯台式牛肉面应有嘅味道，(唔系乜嘢陈水扁果啲国家机密)。牛肉可能系用(澳洲或巴西)雪藏牛助条切成一寸二分丁方，也不失台式牛肉面应有嘅味道，当然唔可同新鲜牛坑腩比较。面条超赞，有劲有头，(估唔到香港D面商都可以做到超水准嘅面条)。而值得一赞就系酸菜唔错，好嘅酸菜会提升成碗面嘅鲜味。若以面论面，客观嚟讲，呢碗台式红烧牛肉面真系唔错，喺台湾都唔系任何一间可以食到咁嘅水准。呢碗面卖$42，毛利应有70%，可能CWB租贵，若喺环头环尾就较困难卖。但以消费者角度捻一捻，用$42食碗一碗6粒(一寸二分丁方)雪藏牛助条加半只卤水蛋嘅面，仲要食之前将即弃竹筷互磨干净，而地方又长又窄，客小已见屈质，客多又嘈死人，简直系贴钱买难受，真系坐得唔舒服，是否物有所值，系睇个人感受啦！当我哋埋单走时，行去隔离门
至于红烧牛肉面味道，就转述朋友意见：一惯台式牛肉面应有嘅味道，整体来讲系水准之作。用花椒八角草果桂皮豆板酱牛骨味精等熬嘅汤底，是一惯台式牛肉面应有嘅味道，(唔系乜嘢陈水扁果啲国家机密)。牛肉可能系用(澳洲或巴西)雪藏牛助条切成一寸二分丁方，也不失台式牛肉面应有嘅味道，当然唔可同新鲜牛坑腩比较。面条超赞，有劲有头，(估唔到香港D面商都可以做到超水准嘅面条)。而值得一赞就系酸菜唔错，好嘅酸菜会提升成碗面嘅鲜味。若以面论面，客观嚟讲，呢碗台式红烧牛肉面真系唔错，喺台湾都唔系任何一间可以食到咁嘅水准。
呢碗面卖$42，毛利应有70%，可能CWB租贵，若喺环头环尾就较困难卖。但以消费者角度捻一捻，用$42食碗一碗6粒(一寸二分丁方)雪藏牛助条加半只卤水蛋嘅面，仲要食之前将即弃竹筷互磨干净，而地方又长又窄，客小已见屈质，客多又嘈死人，简直系贴钱买难受，真系坐得唔舒服，是否物有所值，系睇个人感受啦！
当我哋埋单走时，行去隔离门口玻璃度睇下厨房，见到个厨房好细，煮面撑侧边有一格格食够加热撑，头果两格撑系装牛肉，而其中靠近玻璃果撑成大旧仲未解冻，正在加熟。唔知道佢哋D牛肉制成品系边度交嚟嘅呢？会唔系台湾嚟嘅？咁嘛要雪藏好耐？？？
呢间舖另一特色就系行到埋去就见到一幅大头相，总系觉得怪怪地，印像中好似系去某一D地方，一行到埋门口就见到幅大头相咁嘅心情。对呢位咁高调嘅仁兄真系好有兴趣认识下，揾到料再同各位分享。
张贴