安安燒 (鯉景大廈) (已結業)

开开心心咁买左团购，一家大细一行13人：8大1小4BB谂住试吓呢间新铺，有团购，隔涉少少、13人坐9人位迫少少都唔紧要。点知一去到坐底，嘢都未食就要一肚气咁全部转打包走人... 事缘系我哋当中有4个BB, 预计港烧都唔系咁啱食，所以买定3碗鱼蛋粉去俾BB开餐，大人就谂住豪擦。但当BB食左几淡，就有个侍应妹妹行埋嚟话佢老细透过CCTV见到，打电话俾佢话唔可以食外来食品。都明白间间铺都有此规矩，但我哋话因为系BB，希望可以通融一吓，大人就一定会再散叫而且份量一定唔会少。答案系：老细话都系唔得...Ok, 唔难为侍应姐姐，我哋要求同佢老细直接对话，希望有得倾倾。点知仲嬲！老细姓卓系位小姐，原来系位唔知礼貌为何物既「盟塞」人士，劈头第一句就话：我唔理你！（态度傲慢）老婆越讲越火大...最尾交左个电话俾我，我好声好气咁请佢通融吓，都只系一句：你出门口食啦！无计...咁我唯有同侍应讲转打包啦...但心谂最辛苦既应该系同佢打工既员工。奉劝有BB既家庭最好唔好带BB去，又或者事前喂饱左先。后记：好搞笑，因为转打包，无意间听到厨房大叫：打包？咁我啲蚝壳点呀？真环保...