榕記車仔麵 (已結業)

平时车仔面俾人的感觉，都系唔多有益的食物。但估唔到，今日唔觉意俾我揾到间有益的车仔面㖞在街上随意四围行顺便揾地方医肚，刚好路过这间餐厅，觉得佢门面很靓。细看之下发现原来系卖车仔面的，所以入去试下。店员可能见我生面口，一坐低就为我介绍佢地的车仔面。原来系有三种汤底的-「猪骨汤」、「姬松茸虫草花养生汤」和「白果胡椒猪肚汤」。食车仔面，拣𩠌就唔出奇，但有得拣汤都系第一次，仲要系养生汤底。我拣左「白果胡椒猪肚汤」做汤底，仲有猪红、墨鱼丸和萝卜做𩠌，另外加多碟蚝油时菜。碗面一上台，我先试饮啖汤，的确是有胡椒的香和辣。不过只是微辣，就算是怕辣的人都适合。这种汤底暖胃，冬天饮真系一流。同埋这款汤底入面有猪肚㗎，所以变相多一款𩠌猪肚煲得颇淋，唔会𡁻到牙骹软。猪红很入味，略带少少辣，做得很出色。墨鱼丸亦很好食，松软弹牙，绝不是一般街市货色。萝卜似乎是清水煮的，只食到萝卜本身的甜，唔觉有加其他味道。最后，还是要再赞一赞汤底食完面之后，我饮晒成碗汤，但些少口干的感觉都无，证明佢坚系完全无味精。