更多
2022-01-23
4453 浏览
今日去左一间新新地既仕德福酒店入面既德福阁食个自助午餐,贪呢度既自助午餐价钱唔贵,星期日价钱每位$258包加一。搭lift去德福阁要按M字,一出门口就见到一张长长既自助餐餐枱。生蚝每人包四只生蚝,生蚝有大有细,大只嘅生蚝真系好大只,肉质实在,啖啖肉,唔会太咸,质素算唔错。自助餐餐枱有:一) 刺身寿司冻海鲜刺身有4款,分别系鲭鱼,立鱼,三文鱼,八爪鱼。鲭鱼非常酸,其他都算系咁啦。寿司有鳗鱼,三文鱼,吞拿鱼,熟虾,墨鱼。鳗鱼虽然唔大块,但系质素可以,旧饭好饱肚。冻海鲜有冻中虾同加拿大青口。冻中虾质地唔差,虾头有少少膏。仲有日式冷面。二)沙律沙律有德国薯仔沙律同华都夫沙律。沙律吧有鲜青瓜片,车厘茄,香桃粒,粟米粒,红腰豆,同杂法国生菜。三)冷盘冷盘有中华沙律,凉拌鲜腐竹,螺肉,酸白菜,粤式卤鸡肾。凉拌鲜腐竹好滑,酸白菜腌得酸咪咪,好食。日式杂锦小食有三款,分别系莲藕片,竹笋同带子裙边。仲有烟三文鱼配沙律菜,杂冻肉,烟鸭胸,海南鲜鸡都算可以。 四)热盘热盘有素鸭拼炸馒头,鲍汁荷叶饭,香煎萝卜糕,拿破仑意粉,天多利烧鸡中翼,咸菜猪肚,柠檬焗龙脷柳 ,花生猪脚,南乳素菜,芝士白汁焗生蚝。花生猪脚好
搭lift去德福阁要按M字,一出门口就见到一张长长既自助餐餐枱。
生蚝
每人包四只生蚝,生蚝有大有细,大只嘅生蚝真系好大只,肉质实在,啖啖肉,唔会太咸,质素算唔错。
自助餐餐枱有:
一) 刺身寿司冻海鲜
刺身有4款,分别系鲭鱼,立鱼,三文鱼,八爪鱼。鲭鱼非常酸,其他都算系咁啦。
寿司有鳗鱼,三文鱼,吞拿鱼,熟虾,墨鱼。鳗鱼虽然唔大块,但系质素可以,旧饭好饱肚。
冻海鲜有冻中虾同加拿大青口。冻中虾质地唔差,虾头有少少膏。
仲有日式冷面。
二)沙律
沙律有德国薯仔沙律同华都夫沙律。沙律吧有鲜青瓜片,车厘茄,香桃粒,粟米粒,红腰豆,同杂法国生菜。
三)冷盘
冷盘有中华沙律,凉拌鲜腐竹,螺肉,酸白菜,粤式卤鸡肾。凉拌鲜腐竹好滑,酸白菜腌得酸咪咪,好食。日式杂锦小食有三款,分别系莲藕片,竹笋同带子裙边。仲有烟三文鱼配沙律菜,杂冻肉,烟鸭胸,海南鲜鸡都算可以。
四)热盘
热盘有素鸭拼炸馒头,鲍汁荷叶饭,香煎萝卜糕,拿破仑意粉,天多利烧鸡中翼,咸菜猪肚,柠檬焗龙脷柳 ,花生猪脚,南乳素菜,芝士白汁焗生蚝。花生猪脚好滑。南乳素菜味道唔错,有好多唔同蔬菜材料,我食左好多转。芝士白汁焗生蚝嘅肉质都系实在,唔会唔新鲜。
另外有烧香草肉眼,生生哋𠮶块好食啲。
粉面档有张纸仔比你自己拣钟意食既配料,包括米粉,油面,肥牛,鲜虾,蚬,水鱿鱼,炸鱼片,白萝卜,时菜。汤底好似得清汤。喺纸仔上面写好想食咩就拎个数字牌坐埋位等服务员送上,想加葱花同辣油就自己去粉面档度加返。
汤有两款,一中一西。面包唔系附近,要去热盘附近攞。中式汤系红萝卜薯仔番茄粟米汤。
五)甜品
糖水系红豆沙。
甜品有黑森林蛋糕(层次分明,味道唔错),班马云石蛋糕(慕丝又厚又滑),杂果啫喱,香芒布甸(唔错),芒果慕斯蛋糕(轻盈唔腻),鲜果挞(有3款,分别系蓝莓,士多啤梨同奇异果。挞皮算薄而脆口,上面有忌廉同鲜果,卖相同味道都唔错。手快有手慢冇),杞子桂花糕,鲜奶焦糖炖蛋(都唔错)。
鲜果挞,法式马卡龙,云呢拿泡芙
22 浏览
0 赞好
0 留言
朱古力喷泉配料有棉花糖,大大粒红提子,同哈蜜瓜。
水果有西瓜,哈蜜瓜,同菠萝。西瓜又厚切又甜。哈蜜瓜都唔错。
即制鲜果班戟由1点开始。配料有香蕉,提子干,杂果,梛丝,杏仁片,同忌廉。可以拣朱古力酱或者士多啤梨酱。我钟意自己加雪糕一齐食,热辣辣同软淋淋既班戟加埋冰冻融紧既雪糕同埋梛丝+杏仁片同时放入口,超正!
云呢拿泡芙大大件,入面劲多忌廉。
法式马卡龙硬身得黎算系脆,入面都有唔少果酱。有唔同颜色,色彩缤纷。
另外仲有咖啡奶冻同香蕉冰卷。
雪糕系雀巢,有朱古力,芒果同云呢拿口味,仲有雪米糍。
热香饼无试到。
六)自助饮品
自助饮品有维他命水,苹果汁同咖啡机(有茶,奶同朱古力)。我饮左杯热朱古力再加奶,热量爆表。仲有一个应节新年全盒。
食物方面唔系贵价野,选择唔多,不过都够食饱,有沙律有菜又有生果。座位舒适,唔洗同人逼同赶头赶命。
张贴