蓮．越泰坊

营业中

休息中

今日同班朋友行完山，顺便行入数码港行个圈，好后悔入咗呢个mall呢间铺，而无选择到对面m记。首先喺门口望完餐牌系有午餐嘅，有碗嘢跟杯嘢饮，行完山梗系想饮返杯椰青水先爽啦，坐低望咗阵餐牌唔见有门口啲餐，问个阿姐话今日无餐，其实无餐点解你要摆个午餐牌喺门口呢？讲嘢无尾音嘅都算，我哋四个人焗住每人叫碗面食。到咗上面，我叫嘅系生牛肉金边粉，阿姐上碗嘢时话「生牛肉河」，我话我系嗌金边粉，佢竟然即时拎我只羹撩我碗嘢话「拿咪金边粉」。都算你，但碗生牛肉唔生，同啲牛肉加埋我谂10g都无，肉又柴。同行几个朋友几碗嘢都系一样差，食完成肚气。十年唔入一次数码港，点知拣中呢间，态度差食物差价钱贵最后仲要收我加一！第一次食完一间铺带著深深的后悔，同忍唔住要写第一篇食评。