燒蝦蝦 (金福閣） (已結業)

.就系为左任食新鲜游水大头虾而黎呢间餐厅，原来捉佢地都有d技巧架，系缸内太生猛系咁跳，捉完冰震震晕佢，再烧。真系好玩又好食，d虾膏多到爆出黎，虾肉又弹牙.而自助区既海鲜食材新鲜款式多不在话下，最紧要系配合一个好既一日大厨限定，用好多款酱料、调味粉及配菜，俾你自创海鲜菜式.泰式烧鱼：餐厅好豪爽有原条鱼俾我地拎黎烧 - 䲞鱼、深水泥、大眼鸡，烧完剥开外皮，鱼肉白滑，仲可以沾一沾泰式酸辣酱蒜蓉烧元贝：元贝已经清洁干净，元贝肉大大粒，用蒜蓉酱烧好惹味豉汁炒蛏子：钟意重口味，可以落豉椒酱系锡纸兜炒蛏子，蛏子仔细细只好易熟肉又新甜又嫩矶烧鲍鱼：仲郁既鲍鱼，店员温馨提示要先剪掉壳先烧，唔系会爆到我地.丸类、肉类（羊扒）、蔬菜：认真的，餐厅有好多食材，但我地顾住烧海鲜，都冇乜烧其他食材，女士个胃空间有限.热食区有炸物同埋盐烧大头虾，后者推介俾自问捉虾身手唔叻，而又想善用个烤炉烧其他食材既人.任拎啤酒、茶类、汽水，仲有甜品如朱古力挞、慕丝 同埋雪糕雪条，玩足2个半钟，抵。