佳記甜品

营业中

休息中

今日我们同好朋友一日游同食完晚饭之后，我们话想一齐食埋B仔凉粉先走，所以我们就去咗教育路大坑渠侧嘅「佳记甜品」食甜品！我们叫咗芒果糯米卷嘅外皮沾满椰丝，质感好烟韧软绵，包著大大件嘅芒果肉，真系好正呀！B仔凉粉差唔多系每台都必叫㗎，因同以前一样都系咁大盆同都系用多款水果西瓜、哈蜜瓜、蜜瓜、木瓜、荔枝、龙眼、蜜桃、奇异果、香蕉、椰果、芦荟等等等等⋯⋯堆砌而成，所以卖相非常色彩缤纷吸引，仲有最底层嘅就系凉粉，再加埋啲花奶，食落真系透心凉，最啱而家炎炎夏日嘅天气食！芒果西米捞嘅表面除咗有啲芒果冰之外，仲有好大「嚿」嘅芒果肉！红毛丹冰有好多粒香甜大大粒嘅红毛丹，再加埋香浓嘅椰汁，味道相当夹！木瓜鲜奶嘅木瓜非常香甜，奶味超浓郁，而且有齿颊留香嘅感觉！芒果冰最初落单𠮶阵唔知道芒果西米露表面都系有芒果冰，所以变咗好似有啲重复咗咁，但都系一样好好味！