玉蕾 (已結業)

12月25号系圣诞节，亦系一个特别既纪念日子，咁当然要找一个舒服环境好既餐厅食番餐好，咁依间中餐厅出名环境靓又望到海景，故此就订位于依个特别日子享受一个美好既午餐.准时十二点去到餐厅，内边大厅一个人顾客都末有，非常清静，加上劲开阳既海景，真系有心旷神怡既感觉.首先叫左个头盘食依先，清清地叫左素菜卷，卷内有芽菜，红萝卜，萝卜切成丝，食落感觉清新，不失为一个令人开胃既头盘。点心方面就叫左虾饺，和牛牛肉，饱鱼鸡粒酥和黑松露咸水角。虾饺都算大只，内有爽脆既大虾，虾饺皮够薄够通透，真系好好食。和牛牛肉卖相则较普通，但闻落同食落就觉得牛味香浓，垫底的菜更加吸收晒牛肉的肉汁，更加不可错过。饱鱼鸡粒酥上面放置一只细少饱鱼，酥皮有牛油既香味，酥内有鸡肉粒，洋葱等馅料，其实食落感觉会较肥腻，个人就不太喜欢。最后既点心系黑松露咸水角，咸水角炸得金黄香脆，但食落就食唔到有任何黑松露既味道，较为失望。最后点了杏汁包作为甜点，依个包一定要衬热食，包皮焗得脆脆，咬落去杏汁流出，杏汁既香味好正，一定要食既推荐。