牛布拉日式牛肉麵 (已結業)

Top初初开业嘅时候嚟过，见到都有好几间食肆准备开业，一直都想黎试吓，就趁今日得闲专程过嚟揾一间餐厅嚟食。泥牛布拉，好明显就系俾佢嘅牛盖饭吸引。打开Menu，原来仲有丼饭同卷物，啱晒我哋呢啲有选择困难症，一次可以满足晒两个愿望。同唔熟唔食嘅朋友黎都非常适合，佢食熟食，我食鱼生，完全冇冲突🥳🥳杂锦鱼生爆丼$128果然好爆🤩🤩360度铺满成个碗，款式又多，有三文鱼、三文鱼子、虾、油甘鱼、白鱼、北寄贝、带子、吞拿鱼、鱿鱼、玉子，足足有十款咁多。老老豆豆，好新鲜又唔算，但CP值高。咪睇佢细细碗，份量十足而且每粒饭都已经好似江户前寿司甘用豉油捞好，非常平均，就算鱼生唔点豉油都冇问题👍🏻👍🏻牛布拉伴面$118同样劲爆份量，牛肉大大块，肉味浓。上面唧左日式沙律酱，但唔加都无问题，牛肉本身已经好够味。伴面好有嚼头，捞埋旁边既肉酱一齐食特别好味。炸软壳蟹$42应该系煮熟后再返炸，上枱时好够热，但系一啲都唔脆，而且好细旧，扁tat tat，似蟹饼多啲🙈🙈