漢斯 (已結業)

今次应该如何下笔呢…汉斯系间唔中，可能一个月食一次之选啦，我会跟同事间唔中食下，以往我会咖哩鸡饭呀，焗饭咁啦，味道方面系理想既，价钱合理啦，但今天叫了一个午餐 -「椰汁咖哩猪软骨饭」，就唔太理想啦，我会比喻为…食鱼柳包但配豉油，即系唔夹啰。我觉得佢地系用卤水煮猪软骨既，如果讲猪软骨呢…系淋既，成块软骨都食得既。科学D 讲，唔用一D酸性既汤汁系唔会煮得淋D猪软骨既，但…后果系咖哩汁又如何呢? 试想想，椰香 + 咖哩 + 少少酸，夹唔埋架！我之前食过佢地既「日本烧汁猪软骨饭」系冇问题既，因为日本烧汁系酸酸地，开开胃咁架啦。麦记系唔会出豉油味既鱼柳包架！推介一下，跟同事一起食，佢地会叫「松子仁蔬菜豆腐饭」。系清D既，斋黎既，我系食肉兽，唔会拣。但同事话味道唔错，加上松子仁有益健康。