Homeland (東昌街) (已結業)

唔知几时第六波疫情杀到，有得食就好食...！几个同事话约放工后食好d，本来都谂住或者出番市区食，点知之后俾我发现原来大埔都有间唔错既cafe，而且仲系黄店黎添呀！咪睇佢铺头细细，都煮到多国菜式！先去转日本，来一客甲罗烧。佢摆盘好靓，靓到唔舍得食... 蟹盖上放上蟹肉、蟹膏同蟹籽，轻轻一捞，再同饭一齐食，味道浓郁令人回味，同出面食过既有过之而无不及。跟住飞远d，去转欧洲，著陆意大利。品尝一片parma ham pizza，薄批脆口，上面沈满火箭菜，满载意式风情。甜甜既芝士更加系整道菜既灵魂所在，menu 提到用上车打同mozzarella 两种芝士去整，芝士控必试～再搭火车去一去隔离德国，今次试佢既德国肠，有住一式三款，有牛有猪，香浓结实，不可多得，佐酒一流呀... 佢仲搭上少许德国酸菜，酸酸的刺激人流口水，唔知系咪因为咁，d 肠肠都特别好食d 呢...？食埋北欧既blue mussel 仲有美国既薯条，行程来到我的家——香港，试左一枝本地既手作啤酒："be water"。语重深长既名字，有股淡淡既麦芽同果香，饮落苦中一点甜。