峰壽司魚屋

营业中

休息中

峰寿司一向既质素都唔差，食过几次都继续会黎。而且佢有d特别既期间限定款色，每次去都总有新意。今次春之限定系三文鱼，三文鱼配搭唔同既食材，更加吸引视觉和味觉。紫苏白饭鱼三文卷，白饭鱼简直点致了整件三文鱼，紫苏味又减低三文鱼既腻，好食！虽然全部都系三文鱼，但钟意食三文鱼既绝对唔会嫌太多太闷，因为件件都有惊喜！另一个限定菜式系炸虾饼，虽然细细件，但真材实料，好有虾味又弹牙。配埋沙律酱同特色酱料有双重既味道。龙之卷，吉列虾配鳗鱼，新鲜即烧即制，好食其他款色同样出色，但略嫌今日d寿司饭比较松散，一夹已经散开几份，依度略为扣分！ 而且闲日晩市等位都等得比较耐，今次等左半个钟有多，但眼见门口其实唔太多人等位，如果假日更加要早d拎定位。