影片
更多
2021-12-20
2016 浏览
今日跟朋友入去西贡白沙湾揾食，问佢食咩又话唔知，佢带咗我去一间隐世餐厅，餐厅喺酒店入边，原来系食厨师发板，餐牌菜式由餐厅按当日食材安排，不时不食，难怪佢话唔知食咩啦😆餐厅最细致嘅位系坚持所有煮食用嘅水都系用白神山地之水烹调，让每一位客人可以食到最原汁原味日本嘅Omakase前菜3食-合桃豆腐上面有菊花茨汁-柿子杯入面有带子、鲍鱼、虾、芝麻柿-松叶蟹肉超鲜甜😍唔好睇小旁边既稻穗🌾，脆米就好似一粒粒爆米花🍿️好食好特别旬之刺身深海池鱼配柚子汁竟然好夹，赤身拖罗配食用菊花好，软滑口感一流赤牡丹虾🦐好肥美鲜甜，肉质好爽口，特上大拖罗油脂更高，喺入口完全溶化，薄切左口鱼包住汁烧裙边又系另一种食法，🦑八爪鱼吸管好QQ，紫苏花絮可以配埋刺身一齐食，第一次食紫苏花絮，颜色十分好看，味道比紫苏叶淡，岩手县米崎蚝🦪配蒜蓉蕃茄汁，估唔到呢个汁令到个蚝味更上一层楼烧物金鲷鱼🐟做立鳞烧，用原片鱼件不起鳞用熟油渌熟再用炉烧到干脆，上面配埋海胆粉，鱼肉嫩滑，劲好食呀😍炸物🍠番薯天妇罗、南瓜天妇罗、🦀️松叶蟹脚天妇罗，成只松叶蟹脚做天妇罗原来好好食，外脆既粉浆包住新鲜既蟹脚，真系好出色😋 旁边以竹炭盐配天妇罗，职员告知青
餐厅最细致嘅位系坚持所有煮食用嘅水都系用白神山地之水烹调，让每一位客人可以食到最原汁原味日本嘅Omakase
前菜3食
-合桃豆腐上面有菊花茨汁
-柿子杯入面有带子、鲍鱼、虾、芝麻柿
-松叶蟹肉超鲜甜😍
唔好睇小旁边既稻穗🌾，脆米就好似一粒粒爆米花🍿️好食好特别
旬之刺身
深海池鱼配柚子汁竟然好夹，赤身拖罗配食用菊花好，软滑口感一流
赤牡丹虾🦐好肥美鲜甜，肉质好爽口，特上大拖罗油脂更高，喺入口完全溶化，薄切左口鱼包住汁烧裙边又系另一种食法，🦑八爪鱼吸管好QQ，紫苏花絮可以配埋刺身一齐食，第一次食紫苏花絮，颜色十分好看，味道比紫苏叶淡，岩手县米崎蚝🦪配蒜蓉蕃茄汁，估唔到呢个汁令到个蚝味更上一层楼
烧物
金鲷鱼🐟做立鳞烧，用原片鱼件不起鳞用熟油渌熟再用炉烧到干脆，上面配埋海胆粉，鱼肉嫩滑，劲好食呀😍
炸物
🍠番薯天妇罗、南瓜天妇罗、🦀️松叶蟹脚天妇罗，成只松叶蟹脚做天妇罗原来好好食，外脆既粉浆包住新鲜既蟹脚，真系好出色😋 旁边以竹炭盐配天妇罗，职员告知青柠按需要先落，并不是一定需要，颠覆左我咁多年既食天妇罗方法🤪
煮物
以日本传统食法煮法国鸭胸，以下仁田葱配鸭肉，下仁田葱味道同我地食开既葱完全唔同味道，十分独特
时令寿司🍣
一次过食七款寿司，一贯入魂，酱油、山葵渍口味当然唔少得啦，北寄贝搽咗少少酱油轻烧过，仲用黄芥末衬托，池鱼上面配咗姜芽同萝卜丝，天使虾配梅酱，仲有熟成三日既中拖罗，昆布腌渍海胆，坊间比较少见，上面配左三文鱼子，真鲜上加鲜
汤
云子清汤以漆碗上，有松茸、炸过既豆腐、
鳕白子，鳕白子系女士美肌恩物，对身体同皮肤超好，口感好creamy，一d腥都冇，似豆腐既质地，渴超级鲜甜，一滴不漏饮哂😌
甜品
胡麻芝士蛋糕🍰好香芝麻味，同芝士蛋糕好平衡👍🏻网纹蜜瓜🍈好清甜，为晚餐画上完美既句号
‼️注意‼️
餐厅预约比较Full，想去嘅朋友一定一定要预约，如果唔系有机会白行一趟
张贴
